Memarlıq layihələndirmə xidmətimiz, obyektin təyinatına, müştərinin tələblərinə və normativ sənədlərə uyğun olaraq layihələrin hazırlanmasını əhatə edir. Biz funksional plan həlləri, texniki göstəricilərin optimallaşdırılması və material seçimi ilə yanaşı, tikinti prosesində effektiv tətbiq oluna bilən real layihə həlləri təqdim edirik. Hər bir layihə mərhələsində müştəri ilə sıx əməkdaşlıq edir, istəklərin və texniki tələblərin tam şəkildə yerinə yetirilməsinə diqqət yetiririk.

Şirkətimiz yaşayış binaları, ofislər, ticarət mərkəzləri və sənaye obyektləri üçün memarlıq layihələri hazırlayır. Layihələndirmə zamanı yerli şərait, tikinti normaları, enerji səmərəliliyi və təhlükəsizlik tələbləri nəzərə alınır. Biz layihələrin təsdiq və icazə mərhələləri üçün bütün zəruri sənədləri hazırlayır, texniki-iqtisadi əsaslandırma və mühəndis həlləri ilə birlikdə tam komplekt təqdim edirik. Məqsədimiz  istifadəçi rahatlığını, texniki düzgünlüyü və layihənin iqtisadi səmərəliliyini təmin etməkdir.