Yeni memarlıq konsepsiyası əsasında həyata keçirilən Göyçay Tarix Muzeyi layihəsi, şəhərin tarixi simasını müasir tərzdə yenidən ifadə etməyi qarşısına məqsəd qoymuşdur. Bina ümumi fasadı boyunca qırmızı kərpiclə hörülmüş, bölgəyə məxsus ənənəvi tikinti texnikaları və materialları qorunaraq müasir formalarla yenidən işlənmişdir. Restavrasiya zamanı mövcud memarlıq xəttinə sadiq qalmaqla yanaşı, muzeyin şəhər mərkəzində simvolik cazibə mərkəzinə çevrilməsi nəzərdə tutulmuşdur.
Fasad elementləri və sütun başlıqları üzərində Göyçayın zəngin mədəni irsini əks etdirən incə relyeflər və siluet kompozisiyaları işlənmişdir. Bu naxışlarda Göyçayın ədəbiyyat, incəsənət və sənətkarlıq ənənələri, eləcə də nar simvolu kimi şəhərə aid mənəvi dəyərlər vizual ifadəsini tapmışdır. Layihə həm funksionallıq, həm də estetik baxımdan müasir və milli memarlığın vəhdətini uğurla əks etdirir.
